BANGKOK, Okt. 5, 2023 — Sa isang pag-update ng performance, ipinahayag ng Thailand Convention and Exhibition Bureau (TCEB) na nakakuha ang Thailand ng kabuuang 23 na mga bid para sa mga pandaigdigang kumperensya mula Oktubre 2022 hanggang Setyembre 2023. Ang mga ito ay para sa mga kaganapan na mangyayari hanggang 2028.
Thailand Wins 23 Bids for International Conferences
Ang pinakamalaki sa mga panalo ay ang 2026 Annual Meetings ng International Monetary Fund (IMF) at ang World Bank Group (WBG) na gaganapin sa Bangkok. Inaasahan ang 12,000 na mga delegado.
Dalawa ang kapansin-pansin para sa unang pagkakataong isasagawa sa Timog-silangang Asya – ang FIFA Congress 2024 at World Diabetes Congress 2025. Inaasahan na dadalo ang 2,000 na mga delegado mula sa 211 na bansa sa FIFA Congress at 10,000 na mga delegado sa World Diabetes Congress.
Kapansin-pansin din na 14 sa 23 na panalo ay para sa mga medical conference. Kasama rito ang International Society on Thrombosis and Haemostasis (ISTH) Congress 2024 (8,000 na mga delegado) at World Congress on Pain 2026 (5,000 na mga delegado).
Isinulong, inihanda at ipinresent ng TCEB ang mga bid. Bukod sa bid strategy, responsable ang TCEB para sa produksyon ng bid book, publicity, at pagkuha ng suporta mula sa may kaugnayang ministryo ng pamahalaan sa pamamagitan ng One Ministry, One Convention (OMOC) programme ng TCEB.
Pinapayagan ng OMOC programme ang TCEB na gamitin ang mga resource at suporta ng isang partikular na ministryo ng pamahalaan. Malaking tulong ito sa pagkuha ng Annual Meetings ng IMF at WBG, ng FIFA Congress pati na rin ng tatlong global medical conferences, na bukod sa World Diabetes Congress, kasama ang International Society on Thrombosis and Haemostasis (ISTH) Congress 2024 at World Congress on Pain 2026. Sa ilalim ng OMOC, may itatalagang ministryong magiging host. Ang Annual Meetings ng IMF at WBG ay io-host ng Ministry of Finance, ang FIFA Congress ng Ministry of Tourism and Sports (MOTS) at ang mga medical conference, ng Ministry of Public Health (MOPH).
Ayon kay TCEB President, G. Chiruit Isarangkun Na Ayuthaya, “Pinatutunayan ng mga pinakabagong panalo ng Thailand kung gaano kaepektibo ang OMOC programme ng TCEB kapag nagbi-bid tayo para sa mga pandaigdigang kaganapan tulad ng IMF/WBG Annual Meetings, FIFA Congress at World Diabetes Congress. Nilikha namin ang OMOC bilang isang mekanismo upang makahakot ng higit pang mga pandaigdigang kumperensya sa Thailand sa pamamagitan ng pagpapalawak ng suporta ng may kaugnayang ministryo ng pamahalaan. Sa pamamagitan ng mas target na kolaborasyon at promosyon sa mga may kaugnayang sektor at ahensya, umaasa kaming matulungan ang mga may-ari at organizers ng kumperensya na makamit ang tagumpay na nagbabago ng takbo kapag idinaos nila ang kanilang mga kaganapan sa Thailand. Natutuwa kaming makita na patuloy na nagbibigay-inspirasyon ng matibay na tiwala ang Thailand bilang destinasyon para sa mga kumperensya.”
Bukod sa pananalapi, pangangalagang pangkalusugan at sports, kasama rin sa 23 na panalo sa bid ang mga kaganapan sa mga larangan ng kapaligiran, edukasyon, digital, at pamamahala ng negosyo.
Para sa karagdagang impormasyon, makipag-ugnayan sa TCEB sa: pr@tceb.or.th
Mga kaugnay na larawan: https://we.tl/t-xn7KMUkjOk
Tungkol sa TCEB
PANGUNGUNAHING AGENSYA SA HARAPAN NG INDUSTRIYA NG MICE NG THAILAND
Itinatag noong 2004, ang Thailand Convention & Exhibition Bureau (Public Organization) o TCEB – ang ahensya ng pamahalaan sa ilalim ng pangangasiwa ng Punong Ministro – ay nabigyan ng tungkulin na itaguyod, suportahan at paunlarin ang industriya ng mga kaganapang pang-negosyo – mga corporate meeting, incentive trip, kumperensya, exhibit, malalaking kaganapan at mga pandaigdigang festival. Bilang estratehikong kapartner, tumutulong ang TCEB na ihatid ang mga malikhaing ideya at solusyon upang magtagumpay at matugunan ang mga kinakailangan ng mga kaganapang pang-negosyo. Ang pangkalahatang layunin ay patakbuhin ang Thailand upang maging pandaigdigang destinasyon para sa MICE at malalaking kaganapan na maaaring magpasiya sa mga estratehikong industriya at pambansang ekonomiya ng bansa.
